РуралИнвест

Home / РуралИнвест

Эхлэл

РуралИнвест нь Дэлхийн ХХААБ-ын Хөрөнгө Оруулалтын Төвийн 16 жилийн турш хөгжүүлж ирсэн сургалтын иж бүрдэл бөгөөд үүнийг Латин Америк, Африк, Ойрхи Дорнодын хөгжиж буй олон улс орнуудад амжилттай туршиж, хэрэгжүүлсэн.

Монголд

РуралИнвест иж бүрдэл нь НҮБ-ын албан ёсны 7 хэл дээр ашиглагддаг ба үүнээс гадна анх удаа Монгол хэл дээр хөрвүүлэгдсэн.

Иж бүрдэл

РуралИнвест нь хөрөнгө оруулалтын төсөл бэлтгэх, боловсруулах, үнэлэх аргачлалын иж бүрдэл бөгөөд зайны болон танхимийн хичээлийн гарын авлага, программ хангамж, болон бусад нэмэлт материалуудыг агуулна.

Давуу тал

Хөрөнгө оруулалтын төсөл, бизнес төлөвлөгөөг богино хугацаанд нэгдсэн загвараар боловсруулж, үнэлэх боломж олгодог нь энэхүү иж бүрдлийн нэг давуу тал юм.

РУРАЛИНВЕСТ-ийн зорилго

Орон нутгийн бичил, жижиг, дунд бизнесийн хөрөнгө оруулалтын төслийг

ТОДОРХОЙЛОХ

Тухайн иргэд, бүлгүүдийн газарзүйн байршил, байгаль орчин, нийгэм эдийн засаг, соёл зэрэг тухайн үеийн нөхцөл байдлыг тодорхойлох.

БЭЛТГЭХ

Нөхцөл байдлын шинжилгээнд тулгуурлан тухайн бүлэгт тулгарч буй гол асуудлууд болон боломжуудыг нэгтгэн гаргах.

БОЛОВСРУУЛАХ

Өргөдөл гаргагчийн хэрэгцээ шаардлагад нийцсэн нэн тэргүүний үйл ажиллагааг тусгасан орон нутгийн хөгжлийн төлөвлөгөөг боловсруулах.

БАТЛУУЛАХ

Тус төлөвлөгөөг хэрэгжүүлэхэд шаардлагатай боломжит төслийн хөрөнгө оруулалтыг тодорхойлох.

РУРАЛИНВЕСТ-ИЙН ҮНДСЭН ЗАРЧМУУД

Хөрөнгө оруулалтын (санхүүгийн, үйл ажиллагааны, байгаль орчны) тогтвортой байдлыг хангах.
Төслийн санал бэлтгэх үйл явцад талуудын оролцоог дэмжих, тэдний санал бодлыг тусгах.
Орлого бий болгох эсвэл бий болгохгүй төсөл боловсруулахад тохиромжтой загвартай байх.
Төсөл боловсруулах туршлага, чадвар багатай хүмүүст хэрэглэхэд хялбар байлгах.
Төслүүдийг хооронд нь харьцуулагдахуйц, тодорхой, ойлгомжтой, цогц байдлаар чанартай боловсруулах боломжоор хангах.

РУРАЛИНВЕСТ Монголд зарим статистик

РУРАЛИНВЕСТ-ийн давуу тал

Төслийн үйл ажиллагаа, зардал, орлого, ашиг, санхүүгийн болон эдийн засгийн үр өгөөжийн тооцооллыг бүрэн тусгана.

Төсөл бичих дараалал, бүтэц нь олон улсын санхүүжүүлэгч байгууллагуудын стандартад нийцсэн.

Гараар тооцоолол хийх шаардлагагүй,

Бичил, жижиг, дунд хэмжээний хөрөнгө оруулалт шаардсан төсөлд тохиромжтой.

Хөдөө аж ахуй, аж үйлдвэр, аялал жуулчлал, уул уурхай, дэд бүтэц, үйлчилгээ, төрийн болон хувийн, ашгийн ба ашгийн бус зэрэг бүх төрлийн төсөлд зориулагдсан.

Төслийн баримт бичгийг эцсийн байдлаар тусгай програмын тусламжтайгаар гаргадаг.

ЯАГААД РУРАЛИНВЕСТ?

Бусад аргачлалууд:

  • Тооцоолол дунд алдаа гаргах магадлал өндөр
  • Хоорондын уялдааг хангахад төвөгтэй
  • Хийсэн тооцооллыг тайланд оруулахад төвөгтэй
  • Тооцоололд өөрчлөлт оруулах боломж хязгаарлагдмал
  • Том хэмжээний мега буюу олон тэрбумын хөрөнгө оруулалт шаардагдах төсөлд зориулагдсан,
  • Зөвхөн нэг төрлийн төсөлд (агро-үйлдвэрлэл) зориулагдсан,
  • Хэрэглэхэд энгийн биш, мэргэжлийн хүн л ажиллуулж чаддаг

РуралИнвестийг ашигласнаар:

  • Төсөл, төслийн хөрөнгө оруулалтын өгөгдлийн сан үүсгэх, орон зайнаас үл хамааран багаар ажиллах
  • Эдийн засаг, санхүүгийн нарийн төвөгтэй тооцооллуудыг богино хугацаанд, хялбар гүйцэтгэх
  • Эхлэлийн, дунд шатны, төгсгөлийн үнэлгээг зөв, оновчтой хийх
  • Олон төрлийн төслийг нэг загварт оруулан хооронд харьцуулах, үнэлэхэд хялбар
  • Руралинвестээс өөр жижиг, дунд хэмжээний хөрөнгө оруулалтын төсөл боловсруулагчдад тохиромжтой иж бүрэн аргачлал байхгүй.

ТОХИРОМЖТОЙ ХӨРӨНГӨ ОРУУЛАЛТЫН ТӨСЛҮҮД

  • Мал аж ахуй, газар тариалан, загасны аж ахуй, ойн аж ахуй;
  • Агро-үйлдвэрлэл, аж үйлдвэрлэл, аялал жуулчлал;
  • Тээвэр, зах зээл бий болгох, дэлгүүр, агуулах;
  • Үйлчилгээний бизнесүүд;
  • Зам, гүүр, далан, шуудуу барих;
  • Усжуулалтын систем бий болгох;
  • Усны эх ундрагыг хамгаалах;
  • Мод тарих, ойн нөхөн цэвэрлэгээ хийх, ойн зурвас байгуулах;
  • Байгаль орчинд ээлтэй ХАА, аж үйлдвэр, Аялал жуулчлалын төслүүд;
  • Орон нутагт сургууль, эмнэлэг барих;
  • Зөөврийн ундны ус нийлүүлэх, усны эрүүл ахуй, ариун цэврийг сайжруулах;
  • Малэмнэлгийнүйлчилгээ;
  • Гамшгаас хамгаалах үйл ажиллагаа явуулах;

Бусад төрлийн төслүүд;

Сургагч багш нар

Хамтрагч байгууллага

РуралИнвест-ийн хэрэглэгч

РУРАЛИНВЕСТ-ийн иж бүрдэл

ЦАХИМ ХИЧЭЭЛ: үзэх

Units of Production and Units of Sale

Cycles of Production and Blocks

Understanding Reports

  • Оролцооны аргаар төслийн санааг тодорхойлох (онол практик хослосон)
  • Саналууд дотроос хамгийн ач холбогдолтой, хэрэгжих боломжтойг нь сонгох (онол практик хослосон)
  • Санааг цаасан дээр буулгаж, төслийн санал бэлдэх (загвар хүснэгт ашиглан цаасан дээр хийх)
  • РуралИнвест программ ашиглан төслийн саналаа бэлдэх, үнэлэх
  • Боловсруулсан төслийн саналаа РуралИнвест программ ашиглан олон хувилбараар шинжилж, үнэлнэ.
  • Өмнө байсан үйл ажиллагааг өргөжүүлэх хөрөнгө оруулалт хийх гэж байгаа тохиолдолд хуучин болон шинэ үйл ажиллагааг харьцуулах, нэмэлт хөрөнгө оруулалтын үр ашгийг тодорхойлох (программ ашиглан)
  • РуралИнвест програмыг ашиглан иж бүрэн төсөл, бизнес төлөвлөгөө боловсруулах
  • Боловсруулсан иж бүрэн төсөл болон бизнес төслийг олон хувилбараар шинжлэх, үнэлэх
  • Өмнө байсан үйл ажиллагааг өргөжүүлэх хөрөнгө оруулалт хийх гэж байгаа тохиолдолд хуучин болон шинэ үйл ажиллагааг харьцуулах, нэмэлт хөрөнгө оруулалтын үр ашгийг тодорхойлох (программ ашиглан)
  • Хураангуй төсөл болон иж бүрэн төслийн хэрэгжилтийг хөрөнгө оруулалтын үе, хэрэгжилтийн үед хянах, үнэлэх
Сургалтанд хамрагдсанаар хөрөнгө оруулалтын санаа олох, төслийн санал санаачилгуудаас чухал хэрэгцээтэйг нь шилж сонгох арга эзэмшинэ.
Сонгосон санаагаа цаасан дээр буулгаж, төслийн санал бэлдэх, түүнийгээ үнэлэх чадвар эзэмшинэ.
Төслийн саналаа дэлгэрүүлж, дэлгэрэнгүй цогц төсөл бэлдэх, түүний үнэлэх, шинжлэх чадвар эзэмшинэ.
Төслийн санал болон дэлгэрэнгүй төслийнхөө хэрэгжилтийг хянах, үнэлэх чадвар эзэмшинэ.
Хөрөнгө оруулалтын төсөл, бизнес төлөвлөгөөг хураангуй болон иж бүрэн хэлбэрээр нь боловсруулах, үнэлэх мэдлэг чадварыг эзэмшинэ.
Түүнчлэн, төсөл санхүүжүүлдэг төрийн болон төрийн бус байгууллага, олон улсын байгууллагын холбогдох мэргэжилтнүүд сургалтанд хамрагдсанаар санхүүжүүлэхээр хүсэлт ирүүлсэн төслийг өөрийн шаардлагад нийцүүлэн тоон болон чанарын үзүүлэлтүүдээр богино хугацаанд үнэлж, сонгон шалгаруулах ур чадварт суралцана.
Сургалтын түвшинСургалтын цагТанилцуулгаЦахим хичээлГарын авлага 1Гарын авлага 2Гарын авлага 3Тусгайлсан зөвлөмжПрограм
Танилцуулга1 – 3 цаг
Анхан шатны сургалт: Оролцооны арга40 цаг
Дунд шатны сургалт: Оролцооны арга, хөрөнгө оруулалтын бичил төсөл бэлтгэх40 цаг
Ахисан шатны сургалт: Хөрөнгө оруулалтын иж бүрэн төсөл бэлтгэх, програмын боловсруулалт56 цаг
Сургалтын түвшинСургалтын цагТАНИЛЦУУЛГАЦАХИМ ХИЧЭЭЛГАРЫН АВЛАГА 1ГАРЫН АВЛАГА 2ГАРЫН АВЛАГА 3ТУСГАЙЛСАН ЗӨВЛӨМЖПРОГРАМ
Мастер багшийн сургалт
Бакалаврын сургалт (сонголтоор)6 кредит